Porositi zbukurim Krishtlindjesh nga Temu për 3 euro, u ‘habit’ çfarë i erdhi

Një grua ka ndarë përvojën e saj të sikletshme pas blerjeve në faqen e internetit të njohur Temu, dhe historia e saj është bërë virale dhe ka shkaktuar një ortek komentesh.

Pasi hapi paketën që e kishte pritur me padurim, ajo nuk dinte nëse të qeshte apo të qante, transmeton Telegrafi.

Ajo u tërhoq nga një reklamë për një zbukurim Krishtlindjesh që ishte ulur nga 13 euro në vetëm 3. Pasi pa fotot e produktit, ajo vendosi të rrezikonte, duke menduar se do të ishte dhurata perfekte e Krishtlindjeve.

Megjithatë, ajo që mbërriti me postë e habiti plotësisht, dhe ajo e ndau përvojën e saj në mediat sociale si një "dështim të madh të Temu".

Në një video në TikTok, përdoruesja @theaddisonslife zbuloi se çfarë ndodhi.

"E porosita këtë, mendova se do të ishte një dhuratë e mirë për tezet e mia për Krishtlindje. Mendova se do të ishte një zbukurim i vogël në formë karuseli si ai në këtë fotografi", filloi ajo, duke treguar një fotografi të produktit.

Pastaj ajo u tregoi shikuesve se çfarë mori në të vërtetë - një disk plastik të thjeshtë me një fotografi të një karuseli të shtypur në të.

"A jeni gati për këtë? Është një disk plastik. Ka një mbështetëse. Nuk është tamam një karusel lëvizës, apo jo? Temu është një dështim", përfundoi ajo me zhgënjim.

Postimi i saj i nxiti përdoruesit e tjerë të ndanin përvojat e tyre të këqija me platformën.

"Vajza ime na porositi të gjithëve çorape për Krishtlindje, ishin sa madhësia e çorapeve të foshnjave", shkroi një përdorues.

Të tjerë shtuan: "Kjo është me të vërtetë qesharake", ndërsa një i tretë pranoi: "E imja doli të ishte një ngjitëse dritareje".

Megjithatë, disa i dolën në mbrojtje Temu-së, duke argumentuar se klienti ishte fajtor që nuk e lexoi me kujdes përshkrimin e produktit.

"Nuk e lexuat përshkrimin. Ju të gjithë duhet të ndaloni së fajësuari Temu-në për gabimet tuaja", theksoi një përdorues.

Një tjetër u pajtua, duke shtuar: "Unë nuk blej asgjë nga Temu nëse nuk ka vlerësime me foto ose video".

Përshkrimi i produktit në faqen e internetit me të vërtetë thotë: "Zbukurim i Krishtlindjeve 2D i sheshtë dhe magjik - dhuratë perfekte për festat për miqtë dhe familjen, i përshtatshëm për dhomën e ndenjes, dhomë gjumi dhe 11 skena festive, dizajn i sheshtë 2D".

Pavarësisht kësaj, produkti ka vetëm një vlerësim 3.8 nga 5 yje, pasi klientë të tjerë kanë hasur të njëjtin problem. /Telegrafi/