Pochetino konfirmon lëndimin e Kane

Trajneri i Tottenhamit ka njoftuar se Harry Kane ka pësuar një lëndim në ligamentin e gjurit.

Në ndeshjen e së dielës përballë Sunderlandit, sulmuesi i Tottenhamit, gjatë një dueli me Papy Djilobodji, ka mbetur i lënduar dhe është dashur që të bartet për t’u larguar nga fusha.

Sipas Mauricio Pochettinos, Kane ka lënduar ligamentin e gjurit, por nuk ka dhënë ndonjë datë të caktuar sesa do të mungojë reprezentuesi anglez.

“Kane ka marrë një goditje në gju dhe ka lënduar ligamentin”.

“Ne do ta vëzhgojmë gjendjen e tij dhe nuk mund të japim asnjë datë se kur do të kthehet”, ka deklaruar Pochettino.

Sipas disa raportimeve në Angli, Kane mund të mungojë deri në dy muaj.