Pesë të vrarë nga të shtënat në një shtëpi në Karolinën e Jugut

Pesë persona u vranë gjatë të shtënave brenda një shtëpie në Karolinën e Jugut.

Policia zbuloi trupat e katër personave që u qëlluan për vdekje brenda një shtëpie në Bobo Drive në qytetin Inman rreth orës 19:45.

Një i mbijetuar i vetëm u dërgua me urgjencë në Qendrën Mjekësore Rajonale Spartanburg, ku vdiq në operacion, sipas degës lokale të CBS News WSPA.

Dy nga viktimat, 37-vjeçari Thomas Ellis Anderson dhe 32-vjeçari Adam Daniel Morley, jetonin në shtëpi, raportoi media, duke cituar mjekun e qarkut.

Asnjë nga viktimat, të cilat u gjetën në zona të ndryshme të shtëpisë, nuk ishin të lidhur. Të gjithë ishin të rritur.

Disa nga viktimat kishin plagë të shumta me armë zjarri, tha mjekja ligjore.

Identiteti i tre viktimave të tjera nuk bëhet i ditur.

Është e paqartë se sa kohë viktimat kishin vdekur brenda shtëpisë para se të zbuloheshin. /Telegrafi/