Për të dytën ditë me radhë në Gjermani rritet numri i të vdekurve me COVID-19, për 24 orë humbin jetën 315 persona
16/04/2020
Gjermania për të dytën ditë me radhë ka regjistruar numrin më të madh të vdekjeve nga COVID-19, derisa edhe numri i të infektuarve nga çasti në çast po rritet.
Ky vend tashmë ka regjistruar 315 vdekje të reja brenda 24 orëve, duke bërë që numri i përgjithshëm i atyre që kanë humbur jetën në këtë vend të shkojë në 3.800, transmeton Telegrafi.
Si rezultat edhe i numrit të madh të infektuarve, ka bërë që numri i përgjithshëm në tërë Gjermaninë të tejkaloj shifrën prej 130 mijë.
Sipas ekspertëve të shëndetësisë, për 9.7 për qind ka pasur rritje të rasteve të reja me COVID-19. /Telegrafi/