Pas vrasjes së deputetes Jo Cox, pezullohet fushata për referendumin britanik
18/06/2016
Fushata për referendumin pro qëndrimit ose jo të Britanisë së Madhe në Bashkimin Evropian, vijon të jetë e pezulluar, dy ditë pas vrasjes tragjike të deputetes proevropiane Jo Cox.
I vetmi person i dyshuar në vrasje, Thomas Mair, 52 vjeç, u akuzua për krim në rrethana cilësuese ndaj deputetes laburiste 41-vjeçare, në Birstall - në veri të Britanisë së Madhe.
Një klauzolë e ligjit britanik bën me dije se akuza ndaj të dyshuarit nuk i lejon mediat të publikojnë elemente dhe dëshmi të mbledhura prej ditës së krimit, kryesisht mbi arsyet e mundshme që shtynë të dyshuarin drejt krimit. /AFP/