Pas vizitës së zyrtarit të lartë amerikan, sot në Kosovë vijnë dy këshilltarët kryesor të kancelares Merkel

Javëve të fundit në Kosovë janë shtuar vizitat e zyrtarëve të lartë të shteteve mike, të cilët kanë takuar liderët e vendit lidhur me çështjen e taksës dhe dialogut me Serbinë.

Gjatë vikendit që lamë pas, në Kosovë qëndroi për vizitë nënsekretari për Çështje Politike në Departamentin Amerikan, David Hale.

E sot në Kosovë pritet të qëndrojnë në një vizitë dy këshilltarët e kancelares gjermane Angela Merkel.

Berlini në mënyrë të përsëritur i ka bërë thirrje qeverisë në Prishtinë të tërheqë taksën ndaj mallrave nga Serbia dhe BeH.

Kujtojmë se zyrtari i lartë amerikan, David Hale, ftoi liderët e Kosovës që të flasin me një zë, në mënyrë që të fuqizohet roli i Kosovës në dialog.

Ai po ashtu theksoi se përkrahja e SHBA-së është e palëkundshme. Duke folur për marrëveshjen gjithëpërfshirëse me Serbinë, Hale tha se në bosht të saj duhet të jetë njohja e ndërsjellët. /Telegrafi/