Kanë kaluar vetëm disa ditë prej se Gigi Hadid i dha fund lidhjes dyvjeçare me Zayn Malik, ndërsa bukuroshja nuk ka pritur shumë për lidhjen e re.
Modelja e Victoria’s Secret thuhet se është duke flirtuar me pilotin e Formula 1, Lewis Hamilton.
Dyshja kanë bërë një reklamë të përbashkët për Tommy Hilfiger, ndërsa sipas The Mirror, ata janë duke u afruar gjithnjë e më shumë me njëri-tjetrin.
"Ata kanë një lidhje të madhe", ka thënë një burim për gazetën britanike.
Kjo nuk është hera e parë që Gigi lidhet me kampionin e Formula 1, pasi ishte spekuluar për një lidhje me të edhe në vitin 2015, kur u nda nga Cody Simpson.
Mirëpo, nëse thashethemet rezultojnë të vërteta, atëherë 22-vjeçarja nuk do t'i ketë punët shumë mirë me shoqet e saja.
Hamilton në të kaluarën ka qenë në lidhje me shoqen më të mirë të Hadid, modelen Kendall Jenner, po ashtu edhe me modelen tjetër, Winnie Harlow dhe këngëtaren Rihanna.
Njëherësh, britaniku i famshëm ishte fotografuar edhe me motrën e Gigit, Bella Hadid, në një jaht në Monako. /Telegrafi/