15/02/2019
Sipas Institutit Hidrometeorologjik të Kosovës, gjatë dy ditëve të vikendit, vendi ynë do të ndikohet nga masat e ajrit me presion të lartë atmosferik, dukshëm mbi vlerat e normales.
Siç thuhet në njoftim, përcjell Telegrafi, në këtë gjendje meteorologjike do të mbajë mot me vranësira të shpërndara dhe me diell.
“Temperaturat minimale parashihen të lëvizin ndërmjet -2 deri 0 gradë Celsius, ndërsa maksimalet e ditës parashihen të lëvizin ndërmjet 5-9 gradë Celsius. Do të fryjë erë e lehtë deri mesatare nga drejtimi i veriut dhe verilindjes”, thuhet në njoftimin e IHMK-së. /Telegrafi/
