Paraqitja e mrekullueshme e James nuk mjafton, Lakers pësojnë nga Wizards
20/03/2022
Pas një fitore spektakolare ndaj Toronto Raptors, Los Angeles Lakers janë rikthyer te humbjet në NBA.
Skuadra nga Kalifornia ishte mysafire e Washington Wizards në Capital One Arena dhe ka pësuar me rezultat 127:119.
Lakers e nisën mirë ndeshjen, por gjatë kalimit të minutave e hupën epërsinë 15 pikëve që e patën më së shumti.
Kristpas Porzingis ishte më meritori për fitoren e Wizards me 27 pikë, tre kërcime e pesë asistime, derisa Caldwell-Pope kontribuoi me 18 pikë e 10 kërcime.
Tek Lakers vazhdon shkëlqimi i LeBron James, i cili ndaj Wizards e mbylli ndeshjen me 38 pikë, 10 kërcime e gjashtë asistime, por që nuk mjaftuan për fitore. /Telegrafi/