'Operacioni sekret' në Turqi - si ndodhi "arratisja" e Trumpit nga samiti i NATO-s pas kërcënimeve me vdekje nga Irani?
Presidenti amerikan Donald Trump u largua fshehurazi nga Turqia me një aeroplan ushtarak muajin e kaluar mes një kërcënimi për vrasje nga Irani.
Sipas "The Washington Post", Trump hipi në aeroplanin e vjetër "Air Force One", përpara se të transferohej në heshtje disa minuta më vonë në një C-32A më të vogël të Forcave Ajrore.
Raporti e përshkruan manovrën si të dizajnuar për të fshehur vendndodhjen e tij nga publiku, gazetarët dhe disa anëtarë të stafit të Shtëpisë së Bardhë.
Operacioni erdhi një natë pasi forcat amerikane rinovuan sulmet ndaj Iranit pas një ndërprerjeje të negociatave midis Washingtonit dhe Teheranit.
Trump vizitoi Ankaranë për një Samit të NATO-s më 7-8 korrik me liderët botërorë kur u shfaq kërcënimi i supozuar.
Drejtori i Komunikimit të Shtëpisë së Bardhë, Steven Cheung mbrojti masat, duke thënë se aeroplani i dhuruar nga Katari, i cili tani përdoret si "Air Force One", është "pajisur me protokolle sigurie të nivelit të lartë" për të garantuar sigurinë e presidentit.
"Siç ka thënë presidenti kohët e fundit, ka shumë armiq të Amerikës që e kanë vështrimin mbi të dhe ne përdorim çdo mjet që kemi në dispozicion për të adresuar këto kërcënime", shtoi ai.