Nusja mahniti të ftuarit kur preu flokët në dasmën e saj - bën tek vetja një ndryshim drastik

Nusja mahniti plotësisht të ftuarit e saj në dasmë pasi preu flokët në mes të ceremonisë – duke bërë tek vetja një ndryshim marramendës.

Sipas medieve të huaja, përcjell Telegrafi, Alyssa Welch, një parukiere nga Columbus, Georgia, vendosi të preje pjesën më të madhe të flokëve pasi u martua derisa miqtë dhe familja e saj u befasuan nga ndryshimi drastik.

Bashkëpunëtorja e saj e sallonit dhe njëherësh shoqja e saj e ngushtë, Stephanie Lee, nxori gërshërët dhe i preu nuses flokët disa çaste para se ajo të kryente ceremoninë dhe disa minuta para se të shkonin në festë.

Videoja e shpërndarë në TikTok që tregonte procesin e prerjes u bë shpejt virale – duke fituar më shumë se pesë milionë shikime brenda pak ditësh.