“Nuk e kemi të qartë pse pala serbe edhe më tutje pengon”

Ndonëse në fillim ishte thënë se takimi ka qenë konstruktiv duket se megjithatë gjërat nuk ka qenë të tilla brenda zyrave të FIFA-së.

“I kemi prezantuar Blatterit argumentet që kemi bazë ligjore sipas të cilës mund të luajmë ndeshje miqësore me shtetet që na kanë pranuar. Duam të luajmë ndeshjet me simbolet e tona, sepse kjo është e drejtë e jona. Këtë na e mundëson neni i 14-të i marrëveshjes që e kanë nënshkruar qeveria e Kosovës dhe Serbisë. Aty thuhet se nuk duhet të pengojmë njëri tjetrin në integrimet drejt Unionit Evropian”, ka thënë Salihu për gazetë beogradase, “Kurir”.

“Nuk e kemi të qartë pse pala serbe edhe më tutje pengon. Argumentet të cilat i ka paraqitur Karaxhiq nuk shkojnë kah pajtimi”, tha ai.

“Na kanë pranuar 105 shtete në botë. Është çështje e kohës kur këtë do ta bëjnë edhe kombet e bashkuara. Shpresojmë se FIFA do të marr vendim në të mirën tonë më 4-5 nëntor. Para kësaj do të takohemi sërish me drejtuesit e FFS-së më 28-29 nëntor. Jemi të bindur se Kosova pas kësaj do të luajë ndeshje miqësore si gjithë të tjerët”, tha Salihu, i cili tha se nuk ka pasur shoqërim ndërmjet dy palëve, drektë apo kontakt tjetër. /Kosovapress/Telegrafi/