Disa fotografi të publikuara në rrjetet sociale, kanë nxitur spekulimet që thonë se Era Istrefi është shtatzënë.Këngëtarja nga Kosova me famë ndërkombëtare duket më e plotë në disa imazhe të postuara në Instagram nga stilisti i saj i flokëve, Dogan Deniz. Derisa i ka prezantuar zgjatimet e flokëve, menjëherë kanë nisur thashethemet se autorja e shumë hiteve mund të jetë shtatzënë.
Pas publikimit të këtyre fotografive dhe raportimeve të faqeve rozë, ndjekësit në profilin e këngëtares në Instagram e kanë pyetur atë lidhur me këto thashetheme.
Në postimin e fundit të Erës në Instagram, ku numëron mbi 1.5 milion ndjekës, kanë vërshuar pyetjet nga fansat që duan ta dinë nëse është e vërtetë se ajo është në prije të fëmijës. Sidoqoftë, deri më tani nuk kanë marrë ndonjë përgjigje. /Telegrafi/