Në një veturë të braktisur gjendet pa shenja jete një person në Prizren
20:"Photo:RIDVAN SLIVOVA
16/12/2023
Në një veturë të braktisur është gjetur një person pa shenja jete i shtrirë përmbys afër derës së shoferit.
Sipas raportit 24 orësh të Policisë së Kosovës bëhet e ditur se ngjarja ka ndodhur të premten rreth orës 08:40 në fshatin Zojz, në Prizren.
Tutje bëhet e ditur se ekipi mjekësor ka dalë në vendin e ngjarjes dhe ka konstatuar vdekjen e viktimës.
“Është raportuar për një veturë të braktisur dhe në vendin e ngjarjes është gjetur një person i gjinisë mashkullore i shtrirë përmbys afër derës së shoferit. Ekipi mjekësor i urgjencës ka dalë në lokacion dhe ka konstatuar se viktima është pa shenja jete”, thuhet në raport. /Telegrafi/