Dy lojtarët më të mirë në botë, s1mple i ekipit Na’Vi, dhe ZywOo nga ekipi Vitality, do të takohen në finale kundër njëri tjetrit, në garë për çmimin e parë që ka vlerë rreth 200.000 dollarë.
Pas fitores në gjysmëfinale, ku ekipi i Na’Vi mposhti ekipin OG, ndërsa Vitality mposhti G2, më në fund do të kemi një finale ku kundër do të jenë dy lojtarët më të mirë në botë.
Finalja e madhe e turneut i cili po mbahet në qytetin Lisbonë të Portugalisë, do të zhvillohet në formatin ‘Bo3’ duke filluar nga ora 18:30.
Favorit i kësaj ndeshje padyshim se është ekipi i Na’Vi, të cilët për momentin renditen në vendin e tretë në ranglistën botërore të CS:GO.
Ndeshja do të transmetohet në kanalin zyrtar të Blast Premier në platformën Twitch, duke filluar nga ora 18:30.
Këto janë formacionet e dy ekipeve finaliste:
Na'Vi
Aleksandr 's1mple' Kostyliev
Denis 'electroNic' Sharipov
Valeriy 'b1t' Vakhovskiy
Viktor 'sdy' Orudzhev
Ilya 'Perfecto' Zalutskiy
VitalityMathieu 'ZywOo' Herbaut
Dan 'apEX' Madesclaire
Emil 'Magisk' Reif
Peter 'dupreeh' Rasmussen
Kévin 'misutaaa' Rabier
/Telegrafi/