Ish-futbollisti i Liverpoolit, Jan Molby, e mbështet idenë e transferimit të Timo Werner në Anfield në afatin e ardhshëm kalimtar.
Mirëpo, ai thotë se Redsat duhet të largojnë lojtarë për t’i bërë vend gjermanit në skuadrën e Jurgen Klopp.
Klubi anglez ka shprehur interesim për sulmuesin e RB Leipzig, mirëpo për shkak të pandemisë, duhet të largohen një apo dy lojtarë për të grumbulluar fonde.
“Po, mendoj (se Werner do të vijë). Nuk mendoj se do të ketë shumë transferime në verën që vjen, por mendoj se kjo i konvenon Liverpoolit në shumë mënyra”.
“Kanë skuadër të fortë aktualisht. Do të largohen një apo dy lojtarë, por i kemi disa lojtarë të rinj që duhet të inkuadrohen në skuadër. Prandaj, nëse Liverpooli nuk mund të shpenzojë para, nuk mendoj se do të jetë problem i madh”,
“Pres që Timo Werner të vijë. Mendoj se ai është zgjedhja e preferuar e Liverpoolit”, ka deklaruar ish-mesfushori për Hotel Tia. /Telegrafi/