Mjeku i Presidentit: Trump nuk ka nevojë të futet në karantinë sepse nuk ka sipmtoma të coronavirusit
Mjeku i Shtëpisë së Bardhë tha në një deklaratë të lëshuar mbrëmë, se presidenti Donald Trump mbetet pa simptoma për coronavirus dhe karantina nuk është e nevojshme pasi ai ra në kontakt me dy individë që kanë virusin.
Në një memorandum të lëshuar pak para mesnatës, Navy Cmdr. Sean Conley, mjeku i Shtëpisë së Bardhë, shkruajti se Trump "për pak kohë ra në kontakt" me një individ me të cilin bëri një foto, shkruan CNN.
Ai person është Fabio Wajngarten, sekretari i shtypit për presidentin brazilian Jair Bolsonaro, transmeton Telegrafi.
Wajngarten filloi të tregojë simptoma të coronavirusit tre ditë pas takimit me Trump dhe më pas testoi pozitiv për Covid-19, shkroi Conley.
Të premten në mbrëmje, Conley tha se Shtëpia e Bardhë u bë e vetëdijshme se një tjetër individ me të cilin Trump kishte kontakte kishte testuar pozitiv për coronavirus. Ky individ është Nestor Forster, i ngarkuari i Brazilit në Uashington, i cili testoi pozitiv të premten, sipas Ambasadës braziliane.
Conley tha që Trump kishte kaluar më shumë kohë në afërsi të Forster-it, por "të gjitha ndërveprimet kanë ndodhur para çdo fillimi të simptomave". /Telegrafi/