Mjegulla nuk çrregullon orarin e fluturimeve në Aeroportin e Prishtinës
16/12/2019
Ulja e temperaturave në vend, ka bërë që edhe mjegulla të përfshijë Kosovën.
Por, pavarësisht kësaj, kjo gjë nuk ka ndikuar në orarin e fluturimeve në Aeroportin Ndërkombëtarë të Prishtinës "Adem Jashari".
Zëdhënësja e aeroportit, Valentina Gara ka bërë të ditur për Telegrafin se fluturimet janë realizuar me kohë, ndërkaq sot vetëm tri fluturime ka pasur vonesa.
"Ka pasur vonesa në tri fluturimet e para në mëngjes, ndërkaq asnjë fluturim nuk është anuluar", ka thënë Gara. /Telegrafi/