Milani ka shprehur gatishmëri t'ia vazhdojë kontratën Franck Kessie pas fillimit të mirë të sezonit.
21-vjeçari i është bashkuar klubit kuqezi në vitin 2017, por deri më tani në këtë sezon ai ka shënuar dy gola dhe ka dhuruar një asistim.
Kontrata aktuale e tij përfundon në vitin 2022, por sipas Calciomercato.com klubi nga Milanio është duke punuar rreth rinovimit.
Rroga e mesfushorit nga Bregu i Fildishtë është 2.2 milionë euro, por kuqezinjtë i kanë premtuar rritje, në mënyrë që të sigurojnë lojtarin se është i rëndësishëm për klubin nga San Siro.
Kessie shikohet nga Milani si një nga lojtarët e së ardhmes së bashku me Gianluigi Donnarumman dhe Alessia Romagnolin.
Ish-lojtari i Atalantas shquhet për lojën e tij në mesfushë, si në fazën sulmuese edhe atë mbrojtëse.
Gjithashtu saktësia e tij e pasimeve është shumë e lartë te skuadra nga Milano, 87.6 për qind. /Telegrafi/