Eden Hazard është shumë afër të rikthehet te Real Madridi.
Ylli belg ka qenë i lënduar për disa javë, mirëpo tani duket se është i gatshëm që të rikthehet në fushë.
Ish-anëtari i Chelseat po tregon se është në formë të mirë pas lëndimit të pësuar, derisa këtë e ka dëshmuar edhe në seancën e fundit stërvitore te Los Blancos.
Zinedine Zidane kishte marrë rolin e asistuesit në stërvitje, derisa shihet se si Hazard shënon një gol të bukur.
Belgu kaloi në verën e kaluar në Santiago Bernabeu nga The Blues për 100 milionë euro, mirëpo lëndimet e njëpasnjëshme nuk e kanë lejuar edhe aq të tregojë formën e tij që e kishte në Stamford Bridge.
Hazard pritet që të jetë i gatshëm për takimin që Real Madridi do të zhvillojë në këtë fundjavë ndaj Celta Vigos në kuadër të javës së 24-të në La Liga. /Telegrafi/