Malisheva nderon 27-vjetorin e rënies së mjekut dëshmor, Dr. Shpëtim Robaj
30/09/2025
Kryetari i Komunës së Malishevës, Ekrem Kastrati, mori pjesë në ceremoninë përkujtimore në nder të mjekut dëshmor, Dr. Shpëtim Robaj, me rastin e 27-vjetorit të rënies së tij.
Dr. Robaj, i cili shërbente si mjek dhe kontribuoi në shëndetin e komunitetit, dha jetën për lirinë e vendit, përcjell Telegrafi.
Qendra Kryesore e Mjekësisë Familjare në Malishevë mban sot me krenari emrin e tij, duke nderuar veprën dhe sakrificën e tij.
Kryetari Kastrati theksoi se emri dhe kontributi i Dr. Robajt do të mbeten të paharrueshëm në kujtesën e qytetarëve dhe do të vazhdojnë të frymëzojnë brezat e rinj.
“Lavdi dëshmorit Dr. Shpëtim Robaj dhe gjithë dëshmorëve të kombit”, tha Kastrati. /Telegrafi/