Duket se trajneri i Manchester United, Erik ten Hag, ka vendosur përfundimisht të largojë Harry Maguiren, pavarësisht se mbojtësi shprehu dëshirën për të qëndruar.
Trajneri i njohur i Djajve të Kuq ishte prej kohësh në dilemë se çfarë të bënte me Maguiren, i cili ka qenë rezervistë këtë sezon.
Anglezi ishte titullar në vetëm 16 nga 61 ndeshje, gjë që ia bëri Ten Hag të ditur për të ardhmen e tij.
Mesa duket destinacioni i tij i radhës mund të jetë Bundesliga, më konkretisht Werder Bremen, ku duhet të ketë shumë më tepër hapësirë për të luajtur.
Klubi gjerman sot e ka transferuar edhe Naby Keitan që u largua nga Liverpool.
Maguire ka luajtur gjithsej 175 ndeshje për Manchester United dhe ka shënuar shtatë gola.
Ai Maguire iu bashkua Djajve të Kuq në vitin 2019 nga Leicester për 80 milionë funte. /Telegrafi/