Liverpooli po kërkon yllin e Atletico Madridit si zëvendësues të Alexander Isak
Liverpool, i cili investoi më shumë se çdo klub tjetër këtë verë në sulm, me transferimet e Alexander Isak, Hugo Ekitike dhe Florian Wirtz, po përgatitet të forcojë sërish repartin ofensiv për afatin e janarit pas dëmtimit të rëndë të suedezit Isak.
Sulmuesi ka pësuar një dëmtim në gju dhe i është nënshtruar një ndërhyrjeje kirurgjikale gjatë kësaj jave, duke lënë klubin me nevojë për zëvendësime të menjëhershme.
Objektivi kryesor i “Të Kuqve” duket se është ylli i Bournemouth, Antoine Semenyo, i cili mund të bëjë një lëvizje gjatë janarit.
Megjithatë, ai është gjithashtu në radarët e Manchester City dhe Manchester United, duke e bërë garën për shërbimet e tij shumë të fortë.
Exclusive 💣
LFC exploring short-term attacking options if miss out on Semenyo:
- Memphis Depay
- Alexander Sørløth
Sørløth considered on loan despite strong form at Atlético.
Depay open to short-term deal & has good relations w/ many LFC players. pic.twitter.com/95M5ySUiFM
— indykaila News (@indykaila) December 23, 2025
Sipas raportimeve të Indykaila, sulmuesi i Atletico Madrid, Alexander Sorloth, është një nga emrat në listën e Liverpool për këtë janar.
Ai mund të përdoret si alternativë në qendër për Ekitike dhe klubi është i gatshëm të konsiderojë një marrëveshje huazimi për të.
Me këtë lëvizje, Liverpool synon të mbulojë boshllëqet e krijuara nga dëmtimi i Isak dhe të ruajë konkurrencën në sulm për pjesën e mbetur të sezonit.
Këtë sezon, Sorloth ka shënuar pesë gola dhe një asistim në 22 paraqitje, por kjo përkthehet vetëm në 1,040 minuta lojë./Telegrafi/