Liverpooli i pandalshëm në rrugën për titull, mposht thellë Southamptonin

Liverpooli ka arritur të shënojë fitore të thellë 4-0 ndaj Southamptonit në takimin e vlefshëm për javën e 25-të në Ligën Premier.

Reds kanë marrë edhe fitoren e 24-të nga 25 ndehsje gjithsej në kampionat, duke vazhduar sigurt rrugën drejt titullin kampion.

Pjesa e parë e takimit u dominua nga vendasit, por pa arritur të gjejnë golin.

Rasti më i mirë për të shënuar ishte në minutën e 32-të nga një penallti e akorduar nga gjyqtari, por e anuluar më pastaj nga VAR-i.

Në pjesën e dytë, Reds arritën të shënojnë katër gola gjithsej për të marrë një fitore të madhe.

Alex Oxlade-Chamberlain (47’) shënoi për 1-0, ndërsa Jordan Henderson (60’) dyfishoi epërsinë.

Pas këtyre dy golave në skenë doli Mohamed Salah, i cili shënoi dy gola, ku i pari erdhi në minutën e 72-të për 3-0, ndërsa në minutat shtesë vulosi rezultatin përfundimtar 4-0.

Pas kësaj fitore, Reds kanë 73 pikë në vendin e parë, ndërsa Southamptoni renditet i 11-ti me 31 pikë.

Në takimin e radhës, Liverpooli udhëton te Norwichi, ndërsa Southamptoni e pret Burnleyn. /Telegrafi/

https://twitter.com/Kloppholic/status/1223640817123962883

https://twitter.com/EnRouteAnfield/status/1223642636411641857

https://twitter.com/Kloppholic/status/1223645090293452800