Lille fiton në udhëtim, Zhegrova lëshon fushën i lënduar

Edon Zhegrova ka pësuar një lëndim ditën e sotme.

Sulmuesi nga Kosova e ka nisur si titullar duelin me Montpellier për skuadrën e tij Lille.

Por qëndrimi i prishtinasit në fushë nuk ka mundur të jetë më shumë se 36 minuta lojë.

Reprezentuesi kosovar u largua nga loja pas një zgjatje të muskulit dhe lëshoi me dhimbje takimin.

Pas këtij lëndimi mbetet të shihet se sa do të mungojë Zhegrova, por grumbullimi i tij me Kosovën është në pikëpyetje për ndeshjet e muajit shtator.

Lille fitoi këtë sfidë me rezultat 1-3 dhe është ngritur në pozitën e pestë në tabelë me 10 pikë. /Telegrafi/