Aventura e Stephan Lichtsteinerit tek Arsenali mund të mbyllet vetëm pas një sezoni në Emirates Satdium.
Mbrojtësi zviceran nuk ka luajtur rregullisht nën urdhrat e Unai Emery dhe u shpreh hapur se në një situatë të tillë e ka të vështirë të vazhdojë aventurën me Topçinjtë.
35-vjeçari është shprehur se pret fundin e sezonit për të pare se çfarë do të ndodhë, teksa për momentin është shprehur se është i fokusuar për finalen e Europa League, të cilën dëshiron ta fitojë me çdo kusht - transmeton KP.
Veterani zviceran ka oferta nga klube të tjera në Ligën Premier, por nuk përjashtohet edhe një aventurë e tij në Major League Soccer në Amerikë.
Kujtojmë që Lichtsteiner u transferua te Arsenali në edicionin e kaluar, pasi i mbaroi kontrata me Juventusin.