Liverpool mund të shohë pesë lojtarë të largohen falas sapo të hapet afati kalimtar i verës. Mes tyre është edhe Mohamed Salah, i cili tashmë ka konfirmuar se ky sezon do të jetë i fundit i tij në “Anfield”.
“Të Kuqtë” shpenzuan rreth 519.4 milionë euro në afatin kalimtar verën e kaluar, me emra si Alexander Isak, Florian Wirtz dhe Hugo Ekitike që kushtuan shumë.
Pavarësisht atij investimi, mbrojtja e titullit në Ligën Premier dështoi dhe ata aktualisht janë në vendin e katërt, ku kualifikimi në Ligën e Kampionëve sezonin e ardhshëm është e vetmja gjë konkrete që mund të nxjerrin nga një edicion i vështirë.
Kur të vijë vera, pa dyshim do të ketë ndryshime të tjera në përbërjen e skuadrës. Siç qëndrojnë gjërat tani, pesë lojtarë, përfshirë Salah, mund të largohen pa pagesë.
Salah është emri kryesor që pritet të largohet në qershor, pasi ndonëse kontrata e tij zyrtarisht skadon në vitin 2027, marrëveshja do të ndërpritet më herët dhe ai do t’i japë lamtumirën “Anfield” pas nëntë vitesh të mbushura me trofe.
Salah nuk është legjenda e vetme që pritet të largohet këtë verë, pasi edhe Andy Robertson po e kalon sezonin e tij të fundit në klub. Kontrata e tij përfundon këtë verë dhe ai ka njoftuar se do të largohet sapo të mbarojë.
Ashtu si Robertson, edhe kontrata e Ibrahima Konates skadon dhe teorikisht ai mund të largohet nga klubi. Por ai ka zbuluar më herët këtë muaj se pritet të nënshkruajë një marrëveshje të re afatgjatë në “Anfield”.
Edhe dy lojtarë të tjerë do t’u përfundojnë kontratat në qershor, sipas situatës aktuale. Mbrojtësi i ri Rhys Williams dhe portieri i tretë Freddie Woodman.
Liverpool ka opsionin t’ia zgjasë kontratën Woodmanit edhe për një vit dhe mund ta aktivizojë, duke qenë se ai ka qenë i detyruar të luajë në disa ndeshje të fundit.
Williams ka qenë pjesë e Liverpoolit për 15 vjet, pasi iu bashkua akademisë së klubit si 10-vjeçar në vitin 2011./Telegrafi/