Lëndimi i Ronaldos më serioz se sa pritej, rrezikon Kupën e Botës
Trajneri i Al-Nassr, Jorge Jesus, ka dhënë një përditësim shqetësues në lidhje me dëmtimin e muskulit të kofshës së pasme të Cristiano Ronaldos.
Sulmuesi portugez e pësoi dëmtimin gjatë ndeshjes kundër Al-Fayha fundjavën e kaluar dhe duket se ky lëndim nuk është edhe aq i lehtë.
Është vet trajneri i klubit saudit, Jesus, i cili ka treguar situatën e dëmtimit të sulmuesit portugez.
“Pas analizave, pamë se dëmtimi i pësuar nga Cristiano Ronaldo ishte më serioz nga sa pritej”, ka thënë fillimisht Jesus.
🚨 Jorge Jesus: “After tests, we see the injury suffered by Cristiano Ronaldo was more serious than expected”.
“Cristiano will now travel to Spain, like other players who went for treatment when they were injured. His injury required treatment in Madrid with his personal… pic.twitter.com/uCb70kgiGg
— Fabrizio Romano (@FabrizioRomano) March 6, 2026
“Cristiano tani do të udhëtojë për në Spanjë, si lojtarët e tjerë që shkuan për trajtim kur u lënduan”.
“Lëndimi i tij kërkoi trajtim në Madrid me terapistin e tij personal dhe shpresojmë që ai të kthehet shpejt dhe të ndihmojë ekipin”, përfundoi trajneri i Al Nassr.
Afati i saktë kohor i rikuperimit nuk është zbuluar, gjë që ngre dyshime mbi shanset e tij për të luajtur në Kupën e Botës 2026. /Telegrafi/