Liverpooli ka marrë një lajm të hidhur sa i përket datës së rikthimit të portierit Alisson Beckers.
Braziliani ka humbur dy ndeshjet e fundit në Ligën Premier kundër Burnleyt dhe Brentfordit të cilat The Reds i fituan me lehtësi.
Megjithatë mediat në Angli kanë raportuar se Alisson rrezikon të mbetet jashtë fushave deri në një muaj, që do të ishte një goditje e madhe për Liverpoolin.
"Jo, nuk e di se kur kthehet. Është një muskul i lënduar dhe nuk e dimë ende. Duhet të presim".
"Si është situata ndoshta pas dy ditëve do të dimë më shumë", tha Klopp kur u pyet për rikthimin e Alisson në portë.
Ajo që është e sigurt është se Alisson do t'i humbas edhe dy ndeshjet e radhës ndaj Luton që zhvillohet të mërkurën në kuadër të Ligës Premier si dhe finalen e Kupvs EFL ndaj Chelseat të dielën. /Telegrafi/