Mediat nga Turqia shkruajnë se Leeds United ka bllokuar Ezgjan Alioskin që të largohet nga klubi këtë muaj.
Sipas Haberturk, 28-vjeçari ishte një shënjestër të Galatasaray, por Marcelo Bielsa personalisht ndërhyri për ta parandaluar atë të bënte lëvizjen këtë muaj drejt kampionatit turk.
Megjithatë, nëse një marrëveshje e re mes shqiptarit dhe Leedsit, nuk dihet se a do të nënshkruhet.
Ai mbetet pa kontratë në verë dhe mediat shkruajnë që bisedimet ishin hapur tashmë midis përfaqësuesve të lojtarit dhe klubit turk.
Alioski ka qenë një lojtar i rregullt i Bielsas në formacion këtë sezon, duke luajtur në 17 ndeshje në Ligën Premier, 14 prej tyre si startues.
Duke parë që trajner i tij e do aq shumë dhe e fut shpesh në lojë, Leeds do t’i ofrojë një rinovim për të mos e lënë të largohet nga “Elland Road”. /Telegrafi/