Lautaro e ndëshkon përsëri Milanin - Interi afër fitores së madhe

Interi e ka shënuar edhe golin e dytë ndaj Milanit në takimin që po luhet në kuadër të javës së 23-të në Serie A.

Nerazzurët e mbyllën pjesën e parë me epërsi, fal golit nga Lautaro Martinez që realizoi qysh në minutën e pestë.

Edhe pjesa e dytë filloi sërish më mirë për skuadrën që drejtohet nga Antonio Conte, duke dyfishuar epërsinë.

Në një kundërsulm të shpejtë të filluar nga Achraf Hakimi, topi kaloi në këmbët e Ivan Perisicit në fazën parafinale.

Kroati më pas asistoi te Martinez që shënoi për 2-0 në minutën e 57-të, e që ishte goli i tij i dytë në këtë takim.

Ky ishte goli i 13-të për Lautaron deri më tani në këtë edicion, me katër asistime. /Telegrafi/