20/11/2024
Shfaqja e teatrit “Muharrem Qena” në Mitrovicë, “Një vrasje e vogël aksidentale”, është duke marrë pjesë në festivalin e Egjiptit, “Sharm el Sheikh International Theater Festival for Youth”.
Drejtoria e Kulturës, Rinisë dhe Sportit në Komunën e Mitrovicës ka njoftuar se sot, pas pak në skenën e festivalit pritet të fillojë kjo shfaqje, shkruan Telegrafi.
“Në mbrëmje, festivali do të kulmojë me ceremoninë e ndarjes së çmimeve. Kultura gjithmonë ka qenë dhe është prioritet i yni”, thuhet në njoftim.
Tutje, ata janë shprehur krenarë që përfaqësojnë qytetin dhe shtetin në këtë ngjarje kulturore. /Telegrafi/