Kravata si aksesor femëror

Nga na tjetër ky detaj është një element shqetësues për botëkuptimin dhe egoizmin mashkullor. Me këtë stil dalin në pah njëkohësisht feminiteti dhe forca maskiliste e pakompromistë e femrës, flirtimi prej kokete dhe karakteri i fortë, të cilat së bashku japin një efekt të mrekullueshëm të kombinimit të seksualitetit dhe vetpërmbajtjes e maturisë, pasi kravata është një lloj atribut formaliteti që nuk lejon të dalë situata nga kontrolli.Personat kreativë gjithashtu mund ta mbajnë kravatën në format dhe kombinimet më të çuditshme, duke krijuar stil të veçantë dhe tepër origjinal.

Vajzat e reja, mund t’i shtojnë siluetës së tyre elemente pikante dhe ekstrevagante duke kombinuar minifundin me një kravatë të shkurtër apo të gjatë mbi këmishën serioze. Një femër e tillë është me të vërtetë e paparashikueshme në sytë e mashkullit, shkruan ladyalbania. Dhe nuk është e vërtetë kur thuhet se femrat imitojnë meshkujt kur veshin kravatë. Për meshkujt kravata përforcon imazhin e njeriut serioz dhe simbolizon formalitetin, ndërsa për femrën është e kundërta - tregon ekscentrizëm, lojë. /Telegrafi/