Krasniqi kthehet me fitore, përgatitet për titull të Evropës

Polak nuk është kundërshtar i nivelit të Krasniqit, ndërsa edhe mbrëmja e boksit nuk ishte e nivelit në të cilin Krasniqi paraqitet në vitet e fundit. Por fitorja ishte e domosdoshme që Krasniqi të ecte para në karrierë, shkruan sot Koha Ditore.

Në fakt, Krasniqi meçin e së shtunës e sheh si sakrificë të tij për të realizuar një synim tjetër në karrierë. Meçi i tij i radhës do të jetë për titullin zyrtar të Evropës (EBU), ndërsa lufta për titull të Evropës nuk do të ishte e realizueshme pa një fitore.

Pasi koha nuk mjaftonte për të aranzhuar diçka më të madhe, u vendos që Krasniqi të boksojë në Usti nad Labem ndaj Polakut.