Konjufca: Mustafa po përdor policinë për të ushtruar dhunë

“Nuk e di kush tjetër prej shqiptarëve do të bënte një gjë të tillë si Isa Mustafa”, ka thënë Konjufca.

Konjufca, tutje ka folur edhe për përjashtimin e sotëm të opozitës nga ana e Kryesisë së Kuvendit.
“Kryesia e Kuvendit nuk ka kurrfarë të drejte të paragjykojë sjelljet e deputetëve dhe nuk ka të drejtë të dënojë në mënyrë kolektive deputetët. Nga kjo kuptohet se nuk ka qenë synim arrestimi i Albin Kurtit po përmbysja e Lëvizjes Vetëvendosje”, ka thënë Kurti.

Konjufca ka thënë se e ka shqetësuar edhe një gjë tjetër në kryesinë e sotme të Kuvendit.
“Aty nuk është folur për përjashtim të opozitës vetëm për një ditë. Ka pasur zëra nga mazhoranca që ka kërkuar përjashtimin e opozitës për disa muaj. Këtë do ta quaja përpjekje për eliminimin e opozitës”, ka thënë Konjufca, teksa e ka cilësuar këtë si rrëshqitje drejt një sistemi diktatorial.