Këngëtarja Orhidea Latifi - Kida, ditë më parë mbajti një koncert mjaft të madh në sheshin "Zahir Pajaziti" në Prishtinë, gjersa u bë e ditur se tashmë ka nisur rrugën drejt karrierës ndërkombëtare, pas nënshkrimit të kontratës me "Sony Music".
Ndërkohë, vetëm pak muaj më parë, këngëtarja Latifi solli këngën e saj më të fundit "Andërr", e cila u prit mirë nga publiku dhe ka marrë miliona klikime në YouTube.
Duket se gjithë këto suksese në karrierë po e lumturojnë pafund këngëtaren 19 vjeçare, e cila edhe veten e saj nuk po e lë keq, duke e shpërblyer për punën e mirë që bën.
Së fundmi, Kida ka bërë të ditur përmes një imazhi të publikuar në InstaStory, se ka vendosur ta lumturojë veten duke blerë një iPhone 7 të ri, ngjyrë të kuqe.
"Bëje veten tënde të lumtur", shkruan këngëtarja, gjersa tregon se i është gëzuar shumë telefonit të ri. /Telegrafi/
