Kampionia e botës, Sophie Sorschag, do të "fluturojë" për Kosovën

Një lajm i bujshëm ka ardhur nga Federata Skitare e Kosovës (FSK), pasi ata kanë arritur marrëveshje me skitaren e kërcimeve me ski, Sophie Sorschag.

Ajo tash e tutje do ta përfaqësojë Kosovën në garat ndërkombëtare.

“24-vjeçarja është kampione bote me Austrinë në ekipore për vitin 2021, ndërsa vitin e kaluar mori pjesë në Lojërat Olimpike Dimërore Pekin 2022”.

“Marrëveshja mes drejtuesve të FSK-së, kryetarit Milaim Kelmendi e nënkryetarit Bujar Turjaka dhe ekipit të Sorschag, u arrit sot në Ljubljanë të Sllovenisë”.

“I urojmë shumë fat e suksese Sorschagut në fanellën e Kosovës”, ka shkruar KOK./Telegrafi/