Zonja e Vjetër është treguar e pamëshirshme për zviceranët e Young Boys të cilët i mposhti me rezultat 3-0
Juvenusi e nisi shumë mirë takimin ku arriti të shënojë që në rastin e parë.
Një pasim i gjatë i Leonardo Bonuccit u kthye në gol nga Paulo Dybala që shënoi më një goditje me të parën.
Italianët diktuan ritmin edhe pas golit, ndërsa mungesa e Cristiano Ronaldos nuk u vërejt, pasi Federico Bernardeschi dhe Dybala ishin në formë të lartë.
Juve e gjeti golin e dytë në minutën e 33-të. Blaise Matuidi gjuajti fortë, ndërsa topin e kthyer nga portieri i shndërroi në gol Dybala.
Pjesa e parë u mbyll me këtë rezultat.
Në pjesën e dytë Zonja e Vjetër e mbylli fitoren me golin e tretë të Dybalas.
Një pasim i Cuadrados bëri që Dybala të shënojë me portën e zbrazët (3-0).
Juve uli marshin pasi edhe mysafirët mbetën me një lojtar më pak.
Juventusi nuk shënoi më deri në fund dhe me këto tri gola merr tri pikët e radhës.
Ata aktualisht kanë gjashtë pikë. /Telegrafi/
https://twitter.com/jxkxkxkclx/status/1047170721678548992
https://twitter.com/fcjuveworld1897/status/1047177241313067008
https://twitter.com/Juventus_VEN/status/1047191135683264518