Ylli i muzikës pop, Justin Bieber, është paditur për postimin e një fotografie të vetvetes në rrjetet sociale.
Fotografi Robert Barbera ka ngritur një proces gjyqësor kundër këngëtarit “Love Yourself” për shkelje të të drejtave të autorit mbi një foto që Bieber postoi në Instagram.
Në dokumentet gjyqësore, të marra nga E! News, Barbera thotë se ky veprim lind për shkak të “riprodhimit të paautorizuar dhe shfaqjes publike” të Bieber të fotografisë së mbrojtur nga të drejtat e autorit, e cila është në pronësi dhe e regjistruar nga Barbera.
“Barbera është autori i fotografisë dhe ka qenë gjithnjë pronari i vetëm i të gjitha të drejtave, titujve dhe interesave për dhe për fotografin, përfshirë këtu të drejtat e autorit”, shkruajnë dokumentet.
Fotografia në fjalë është ajo që Bieber postoi në Instagramin e tij më 13 Mars, duke e treguar atë në një makinë me shokun e tij, Rich Wilkerson.
“Unë dhe djali im”, ylli 25-vjeçar shkroi në foton, e cila është akoma në platformën e tij në Instagram.
Sipas dokumenteve të gjykatës, Bieber “nuk e ka licensuar fotografinë” nga Barbera për faqen e tij në Instagram, dhe as ai nuk ka “lejen ose pëlqimin e Barbera” për të publikuar foton në Instagram. /Telegrafi/