Jon Jones i njohur ndryshe si 'Kocka' ka arritur të mbrojë titullin e UFC-së në kategorinë e lehtë të peshave të rënda, pasi ka mposhtur Anthony Smithin.
Luftëtari amerikan është kthyer në 'oktagon' apo tetëkëndësh mbrëmjen e së shtunës për ta mbrojtur titullin e UFC-së 235 në kategorinë e tij.
Atë edhe e arriti, pasi Jones ishte i papërmbajtshëm duke arritur të mposht Anthony Smithin dhe të vulos dominimin në këtë kategori.
Kjo fitore e Jones erdhi në një sallë të mbushur plot dhe me shumë atmosferë në T-Mobile Arena në Las Vegas.
Megjithatë, fitorja e Jones nuk ishte edhe aq e lehtë pasi Smith qëndroi gjithë ndeshjen dhe fituesi u mësua vetëm pas vendimit të gjyqtarëve.
Vendimi i gjyqtarëve ishte unanim në favor të luftëtarit amerikan, me rezultatet të njëjta 48-44.
Pas fitores, Jones u shpreh i lumtur, por komplimentoi edhe Smithin për lojën e treguar.
Ky ishte meçi i dytë i 31-vjeçarit për më shumë se dy muaj, pas fitores ndaj Alexander Gustafsson në muajin dhjetor. /Telegrafi/