JoJo Siwa ka konfirmuar publikisht lidhjen me ish-yllin e Love Island, Chris Hughes, duke ndarë për herë të parë momentin kur miqësia e tyre u kthye në romancë.
22-vjeçarja tha në podkastin 'Rosebud' se ndjenjat për Chris nisën të ndryshonin pas daljes nga shtëpia e Celebrity Big Brother, ku u takuan për herë të parë në prill.
"Nuk doja të bija në dashuri me të, por nuk mund ta ndaloja. Dhe rezultoi se ai ndjente të njëjtën gjë”, u shpreh ajo, shkruan DailyMail.
JoJo dhe Chris po planifikojnë tatuazhe të njëjta si kujtim nga eksperienca e tyre në CBB, përfshirë një shkop bambuje që përfaqëson lidhjen e tyre.
Ajo mban ende një unazë që ai i dhuroi gjatë spektaklit.
Aktorja dhe këngëtarja e quajti Chris-in “personi i saj i preferuar në botë” dhe shtoi se familja e saj e adhuron: “Mami im nuk ka qenë kurrë kaq e lumtur, dhe babi është bërë shok i ngushtë me të – shkuan madje në spa bashkë".
Pavarësisht diferencës 10-vjeçare në moshë, JoJo tha se prindërit e saj e mbështesin plotësisht marrëdhënien.
Tani ajo është e lumtur që mund të flasë hapur për lidhjen dhe po mendon të shkruajë këngë për Chris-in.
“Është e bukur mënyra si ndodhi. Thjesht ndodhi... një rastësi e mrekullueshme,” tha ajo, duke përmendur se fjala "rastësi" (serendipity) është bërë një simbol i lidhjes së tyre. /Telegrafi/