Irani në bisedime me Rusinë për t`i shitur ujin që bën armë bërthamore

Irani po zhvillon bisedime me Rusinë për t’i shitur asaj rreth 40 tonë të ujit të rëndë nga programi bërthamor iranian, citohet të ketë thënë ministri i Jashtëm i Iranit.

Sipas marrëveshjes bërthamore historike të vitit të kaluar, mes Iranit dhe fuqive botërore, Teherani është i detyruar të ul aksionet për ujin e rëndë, i cili është një komponent për të bërë armë bërthamore dhe për prodhimin e energjisë bërthamore.

Ai nuk është radioaktiv dhe marrëveshja bërthamore i jep Iranit të drejtën për ta shitur dhe disponojë me kushte të caktuara.

Ministri Abbas Araqchi, i cili është gjithashtu një negociator i lartë për material bërthamor, ka thënë se Shtetet e Bashkuara kanë qenë blerësi i parë i ujit të rëndë iranian dhe se disa fuqi të tjera të botës, duke përfshirë edhe Rusinë, janë duke u interesuar për të blerë atë gjithashtu.

"Ne jemi duke negociuar me Rusinë për të shitur 40 ton ujë të rëndë", tha ai.

Ministria e jashtme ruse konfirmoi se Moska është duke konsideruar blerjen, raporton Yahoo news.