Pothuajse pas dy vitesh Interi i është rikthyer interesimit për Eliaquim Mangala.
Sipas raportime në Itali zikaltirt janë të interesuar për një transferim të lirë në janar dhe mbrojtësi Manchester Cityt është profili i duhur.
Lojtari i skadon kontrata në fundin e sezonit 2018/19 dhe kjo ka tërhequr edhe klube tjera.
Sipas The Sun, në mesin e tyre është edhe skuadra nga Liga Premier, Wolverhampton Wanderers.
27-vjeçari nuk ka luajtur asnjë ndeshje këtë sezon që nga lëndimi i tij në huazim te Evertoni, por ai i është kthyer stërvitjeve të plota te Man City.
Pavarësisht se Mangala refuzoi gjatë verës kalimin te Crystal Palace, dëshira e tij është të qëndrojë në kampionatin elitar anglez.
Qendërmbrojtësi iu bashkua Cityt nga Porto në vitin 2014 për 36 milionë euro. /Telegrafi/