Ilir Shaqiri dhe Donald Veshaj gjatë gjithë kohës janë përmendur ndër favoritët kryesore për ta fituar edicionin e sivjetmë të Big Brother VIP.
Përgjatë kohës sa është transmetuar spektakli real televiziv, ata kanë qenë dyshja më e fortë dhe situata është sjellë rreth tyre duke e konsideruar njëri-tjetrin si rivalin më të madh.
Jo rrallë herë, ata janë përfshirë në debate të ashpra me njëri-tjetrin, e sidomos në periudhën kur po afron finalja e madhe.
Ndërsa gjatë ditës së sotme (e mërkurë), janë parë më të qetë duke qëndruar pranë njëri-tjetrit, ndërkohë që kanë folur për finalen, formatin dhe mënyrën eventuale të votimit.
Kujtojmë që Iliri tashmë është zgjedhur si njëri nga finalistët dhe pas tij biletën për në finale e ka marrë edhe Beniada Nishani.
Në anën tjetër, Donaldi është në konkurrim me Arjola Demirin, Monika Lubonjën dhe Einxhel Shkirën për dy vendet e mbetura për në finale. /Telegrafi/