Mauro Icardi është rikthyer edhe një herë në radarin e Real Madridit, raporton Mundo Deportivo.
Duket se Los Blancos janë në dijeni se Lautaro Martinez do të kalojë te Barcelona dhe po shikojnë opsione të tjera.
Zinedine Zidane e ka vlerësuar sulmuesin argjentinas si më të mirin në treg dhe po tenton të marrë atë në Santiago Bernabeu.
Icardi është aktualisht në huazim te Paris Saint-Germain, por në fund të edicionit do të rikthehet te Interi.
Nerazzurët nuk e duan rikthimin e tij në Giuseppe Meazza, derisa refuzojnë të shesin atë në Serie A.
Juventusi dhe Milani janë të interesuar për transferimin e Icardit, mirëpo Interi nuk dëshiron të përforcojë rivalët.
Madrilenët mund të përfitojnë nga kjo gjë dhe të transferojnë lojtarin për 70 milionë euro. /Telegrafi/