Legjenda e Arsenalit, Ian Wright, e ka kritikuar Zlatan Ibrahimovicin duke thënë se ai është bërë thjesht një ‘kalimtar rasti’ në fushë kur luan për Manchester Unitedin.
35-vjeçari shënoi pesë gola në gjashtë ndeshjet e para me Djajtë e Kuq, mirëpo në shtatë takimet pasuese ka realizuar vetëm një gol.
Heroi i Topçinjve mendon se Ibra po luan po aq keq sa Wayne Rooney, i cili po e humb vendin e startuesit në formacionin e Jose Mourinhos.
“Zlatan Ibrahimovic duhet ta analizojë veten... Ibrahimovic është një lojtar i shkëlqyer, por nuk po luan aspak mirë në krahasim me fillimin e sezonit”.
“Ai nuk ka arritur të më bindë se do t’i ndihmojë skuadrës për t’i ndryshuar gjërat. Ai është një kalimtar”, ka deklaruar Wright për BBC Radio 5 Live. /Telegrafi/