03/01/2020
Pas vrasjes së gjeneralit iranian Qassem Soleimani, dhjetëra mijëra njerëz kanë vërshuar rrugët e Teheranit për të protestuar kundër Shteteve të Bashkuara.
Shumica e protestuesve mbanin fotografinë e tij, kurse disa prej tyre kanë djegur flamurin amerikan, transmeton Telegrafi.
Në Iran janë shpallur tri ditë zie pas vrasjes së gjeneralit Soleimani, ku ushtria amerikane e lokalizoi në aeroportin ndërkombëtar të Bagdadit, dhe kreu një sulm ajror me dron duke lënë të vdekur edhe disa zyrtarë tjerë ushtarakë të Iranit.
Soleimani ka qenë komandant i njësisë elitare Quds, ndërsa njihej në opinionin si njeriu i dytë më i fuqishëm në Iran dhe që njësia e tij kryente operacione të fshehta jashtë vendit. /Telegrafi/
