Imazhet e pabesueshme tregojnë se si një nënë kishte lindur beben e saj në dyshemenë e një korridori spitalor, pasi i bënte thirrje burrit të saj që ta “kapte” beben.
Sipas mediave të huaja, përcjell Telegrafi, bëhet fjalë për Jesica Hogan, nga Riley, Kansas, e cila lindiu djalin e saj të vetëm Max në një mënyrë dramatike, korrikun e kaluar, pasi kishte pesë vajza.
E lindja e saj e habitshme në Spitalin Via Christi në Manhatan, Kansas, u dokumentua nga fotografja Tammy Karin.
Ditëve të fundit të shtatzënisë Jesica kishte frikë se lindja mund të ndodhte shumë papritur - dhe ajo kishte të drejtë.
Ajo një ditë u nxitua drejt spitalit kur kontraktimet e saj u rritën dhe ujërat e saj filluan të derdheshin.
Në atë rast, siç thuhet më tej, Jesica as nuk kishte kohë për të mbathur këpucët e saj dhe u dërgua me nxitim në spital nga burri i saj i qetë Travis.
Por kur ishin gati të arrinin në destinacionin e tyre, nëna e gjashtë fëmijëve ndjeu që fëmija po vinte.
"Ndjeva sikur foshnja ishte gati të dilte. Kjo ndjenjë më bëri gati të pamundur të lëvizja".
Dhe pak para se të futej në dhomën e emergjencës, Jesica filloi të lindte në korridorin e spitalit. /Telegrafi/