Hykmete Bajrami: Riza Krasniqi ka numrin 105 në listën e LDK-së, ka vizion dhe përvojë për të ardhmen e vendit
30/05/2026
Kandidatja për deputete e LDK-së, Hykmete Bajrami, është takuar dje me kolegun e saj nga LDK, Riza Krasniqin.
Bajrami ka thënë se Krasniqi është zë me integritet, përvojë dhe vizion për të ardhmen.
Postimi i plotë: Prof. Riza Krasniqin e njoh dhe e kam mik prej kohësh. Është profesor me dekada përvojë në arsim, aktivist i Lëvizjes për Pajtimin e Gjaqeve që nga pajtimi i parë, si dhe autor i librit të parë për kompjuterë në Kosovë, “ABC e Kompjuterëve” (1996). Për vite me radhë ka dhënë kontribut në arsim, kulturë dhe çështje me rëndësi kombëtare. Sot, është në listën tonë #LDK113 me numër 105 .
Një zë me integritet, përvojë dhe vizion për të ardhmen e vendit. Suksese profesor!