Pep Guardiola mendon se Manchester City ka nevojë për mbështetjen e tifozëve të vet për t'u kualifikuar në gjysmëfinale të Ligës së Kampionëve.
Citizens pësuan me rezultat 1-0 si mysafir i Tottenham Hotspur, ndërsa ndeshjen kthyese çerekfinale e zhvillojnë në Etihad Stadium.
Edhe pse është hera e tetë që merr pjesë radhazi në garën më të madhe evropiane, City ka arritur vetëm një herë në gjysmëfinale (ne vitin 2016 kur u eliminua nga Real Madridi).
"E di se njerëzit thonë se kam ardhur këtu që ta fitoj Ligën e Kampionëve. Nuk kam ardhur këtu për ta fituar Ligën e Kampionëve, sinqerisht".
"Kam ardhur për të luajtur me skuadrën time në mënyrë si po luajmë në 20 muajt e fundit. të luajmë ashtu si duam", ka deklaruar Guardiola, citon AS. /Telegrafi/